القلب المجروح
القلب المجروح
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

القلب المجروح


Free CursorsMyspace L
 
الرئيسيةأحدث الصورالتسجيلمكتبة الصوردخول

 

 القبر وشجرة التين

اذهب الى الأسفل 
كاتب الموضوعرسالة
القطه دلوعه

القطه دلوعه


انثى
عدد المساهمات : 62
نقاط : 172
السٌّمعَة : 0
تاريخ التسجيل : 16/07/2010
العمر : 33
المزاج المزاج : رومانسي

القبر وشجرة التين Empty
مُساهمةموضوع: القبر وشجرة التين   القبر وشجرة التين Emptyالثلاثاء سبتمبر 14, 2010 12:09 am

مهداه الى كل القلوب الحزينه



القبر وشجرة التين




تعالوا

تعالوا نسهر نسولف

نسمع حكي وأشعار

والدله تغازل الكانون

ترقص ع جمر النار

تعالوا نسلًي نجم سهيل

نكتب ع عتم الليل

قصة دمايه وخيل

ثوب مطرز

وزنار


تعالوا

تعالوا أسمعكم قصة

مكتوبة ع دمع العين

صارت ما بين اثنين

كانوا زمان زغار

كانت خجوله

بعمر الطفوله

وياما عليها غار


كانت زغيره

بالشمس

تربط جدايلها

عالقمر

تكتب رسايلها

بالحلا

تسبق مثايلها

ع خدودها فتح النوار



مثل عصفورة الدوري

تنطر عحد العين

ياما واعدها

وياما عاهدها

وياما حكوا

ضحكوا وبكوا

وتنهدوا لثنين

كانوا يلعبوا سوا

يطيروا ع نسمة هوا

يفرح

يوم يلاقيها

تفرح

يوم يناديها

تزعل

من شان يراضيها

كانوا يتقابلوا بالسر

يمسح على شعراتها

يسمعها من نظراتها

يتغزل في سواد عيونها

يكتب شعر بجفونها

ويتمتع بآهاتها

كانت تناديه حبيبي

وتنيموا ع دياتها

ويحكي للشمس غيبي

نور العمر هياتها

والتينة تظحكلهم

تفرحلهم

و تظللهم بفياتها


مرت الأيام

كبرت البنت

وصارت صبيه

أما شو صبيه

مثل فلقة قمر

طل بليلة سمر

ينده على العشاق

شوفوا سحر بسماتها


والخطاب

صارو كثار

هذا مدير وهذا وزير

وهذا غني زيوا ما صار

وهذا موظف بكره بصير

وهذا شوماله ؟

ابن مختار



أبوها.... يعتذر للناس

هال بنت عنيدة الراس

مش عارف شو مالها

شو لخبط حوالها

بكره الندم بجيلها

وبتصحى على حالها

بس أمها

بتعرف الأسباب

ياما سدت ... عليهاالباب

يا ميمتي انسيه

لا تسألي فيه

سافر زمان وغاب

يما البعد غلاب

يمكن عجبته بنيه

يمكن لقاله حباب

لا يما

لا تظلمي غريب الدار



يمكن شغلته الاسفار

يمكن تعب

يمكن مرض

يمكن ....لاْ

بس ما ظنيت ينساني

ما ظنيت

شو ما صار



يما

كان يحكيلي عن دارنا

وعن اسامي زغارنا

عن جنة عشق وهوى

نسكن فيها سوى

عن ليلنا

ونهارنا

يما

مبارح كنت حده

دموعه بللت خده

هذا حبيب الروح

اقسم قبل ما يروح

ليظل حبيبي

وباب القلب سده

ومرت الأيام

والشيب غزى شعراتها

شهور وراها شهور

وسنين زي دهور

وتخيلت امها

وتذكرت حكياتها

وفي يوم

كانت فيه حزينة

نزلت على التينة

مسكت بالعرق

صاحت

انتِ الشاهد على صبري

وانتِ الشاهد على قبري

وان متت هون

ادفنيي

رجعت

سمعت همس في الدار

وعيون تقدح نار

ليش اخته في دارنا ؟

يمكن أجى ؟

بس ليش هو ما زارنا ؟

لاْ في إشي

معقول انفضحت اسرارنا ؟

يا ميمتي

قالتلها امها

وقامت بدها تضمها

حست بخنجر ينغرس

بظلوعها

اتشجعت وانحبست

دموعها

تمتمت

اليوم التينة حزينة

ومكسرات فروعها

يا ميمتي

خاطب قبل سنتين

عرسه بعد يومين

يا ميمتي

الي حسبته صار

خان العهد

طلع غدار

يا بنيتي لا تزعلي

هذي مشيئة

الأقدار



بعد يومين

امها دخلت ع غرفتها

تمسحلها دمعاتها

تخففلها لوعاتها

صاحت :

لبنيه مش في الدار

التمت القريه

اعمامها واخوالها

خالاتها وعماتها

صاحت بنيه رفيقتها

حدا سأل صديقتها ؟

حدا هود عتينتها

روحوا هناك وشوفوها

روحوا اسألوا التينة

يمكن معاها تلاقوها

نزلوا لقوا الصبيه مدده

والتينة معريه من وراقها

تبكي ع لبنيه فراقها

عمها قال احملوها

الله يرحمها هاتوها

بس ابوها أشر الهم

لاْ

هون ... ادفنوها
القبر وشجرة التين 582279
الرجوع الى أعلى الصفحة اذهب الى الأسفل
 
القبر وشجرة التين
الرجوع الى أعلى الصفحة 
صفحة 1 من اصل 1
 مواضيع مماثلة
-
» حقيقة علمية ستنقذك في القبر‎
» حقيقة علمية ستنقذك في القبر‎

صلاحيات هذا المنتدى:لاتستطيع الرد على المواضيع في هذا المنتدى
القلب المجروح  :: ©؛°¨°؛©][المنتديات الأدبيـــة ][©؛°¨°؛© :: ◊۩¯−ـ‗القصص والروايات‗ـ−¯۩◊-
انتقل الى: